Það eru tónleikar framundan!
Kvennakór Reykjavíkur ætlar að fara um víðan völl á vortónleikum sínum þann 18. maí í Guðríðarkirkju. Eitt af því skemmtilegasta sem kórinn gerir er að takast á við allskonar tónlist og það mun hann sannarlega gera þetta vorið. Við reynum okkur við smellna þýðingu Þórarins Eldjárns á ABBA lagi úr Mamma Mia, Bítlarnir leggja til nokkur lög og aðdáendur Prúðuleikaranna verða ekki fyrir vonbrigðum. 

Kvennakór Reykjavíkur óskar ykkur öllum gleðilegra jóla og þakkar fyrir allar skemmtilegu stundirnar og stuðninginn á þessu viðburðarríka ári sem er að líða

Megi árið 2017 færa ykkur öllum

gleði í hjartað, hamingju, ást og tónlist <3

Kvennakór Reykjavíkur er kominn heim eftir frægðarför til Spánar þar sem kórinn tók þátt í alþjóðlegri kórakeppni á Lloret de mar. Kórinn fékk gulldiplómu í öllum þeim flokkum sem hann tók þátt í.

Með mikilli tilhlökkun og eftirvæntingu undirbýr Kvennakór Reykjavíkur sig fyrir vortónleika, sem haldnir verða í Langholtskirkju 4. maí n.k. Kórkonur hafa lagt á sig óvenju mikla vinnu við að gera dagskrá vortónleikanna sem glæsilegasta. Ástæðan er sú að kórinn mun taka þátt í keppni sem haldin verður í Lloret de Mar á Spáni 12. – 19. september

Í vetur bregður Kvennakór Reykjavíkur út af vana sínum og heldur nýárstónleika í stað jólatónleika. Laugardaginn 16. janúar mun kórinn halda tvenna tónleika sem verða í Tjarnarbíói kl. 16:00 og kl. 20:00. Þar mun kórinn fagna nýju ári með flutningi á fagurrri tónlist í anda nýársgleðinnar. Upphafin verður dívan sem býr innra með öllum konum og sungið verður meðal annars um Dóná svo bláa, staldrað við í Brúðkaupi Fígarós, hjá hinni blóðheitu Carmen og einnig hjá Kátu ekkjunni.

Kvennakór Reykjavíkur fagnar langþráðu vori og býður þig hjartanlega velkomna á tónleika í Gamla bíói, fimmtudaginn 7.maí kl. 20:00 og laugardaginn 9.maí kl 18:00.
Að þessu sinni er umgjörð tónleikana sérstaklega glæsileg í nýuppgerðu Gamla Bíói sem um árabil var stærsta og glæsilegasta samkomuhús Reykvíkinga.

Kvennakór Reykjavíkur býður gesti hjartanlega velkomna á aðventutónleika í Fella- og Hólakirkju.
Það er von okkar að gestir njóti þess að hlusta á kórinn syngja fallegan jólalsöngvaseið við kertaljós á öðrum sunnudegi í aðventu. Lagavalið er fjölbreytt og alþjóðlegt eins og oft áður.